Молитва у иконы Богородицы "Отчаянных единая надежда"

      К кому возопию, Владычице? К кому прибегну в горести моей, аще не к Тебе, Царице Небесная? Кто плач мой и воздыхание мое приимет, аще не Ты, Пренепорочная, надеждо христиан и прибежище грешным? Кто паче Тебе в напастех защитит? Услыши, убо стенание мое и приклони ухо Твое ко мне, Владычице, Мати Бога моего, и не презри мене, требующаго Твоея помощи, и не отрини мене грешнаго. Вразуми и научи мя, Царице Небесная, не отступи от мене, раба Твоего, Владычице, за роптание, но буди мне Мати и Заступница. Вручаю себе милостивому покрову Твоему: приведи мя, грешнаго, к тихой и безмятежней жизни, да плачуся о гресех моих. К кому бо прибегну повинный аз, аще не к Тебе, упованию и прибежищу грешных, надеждою на неизреченную милость Твою и щедроты Твоя окриляемь? О Владычице, Царице Небесная! Ты мне упование и прибежище, покров и заступление и помощь. Царице моя Преблагая и скорая Заступнице! Покрый Твоим ходатайством моя прегрешения, защити мене от враг видимых и невидимых, умягчи сердца всех злых человек, возстающих на мя. О Мати Господа моего Творца! Ты еси корень девства и неувядаемый цвет чистоты. О Богородительнице! Ты подаждь ми помощь немощствующему плотскими страстьми и болезнующему сердцем, едино бо Твое и с Тобою Твоего Сына и Бога нашего имам заступление, и Твоим пречудным заступлением да избавлюся от всякия беды и напасти, о Пренепорочная и Преславная Божия Мати Марие. Темже со упованием глаголю и вопию: радуйся, Благодатная, радуйся, обрадованная; радуйся Преблагословенная, Господь с Тобою. Аминь.

Корзина пуста
Отчаянных Единая Надежда

Икона Божией Матери «Отчаянных Единая Надежда»

      Икона Пресвятой Богородицы "Отчаянных Единая Надежда" была написана в прошлом веке.

      За свой нежный и миротворный образ, получила распространение у православных, несмотря на то, что написана она в католическом стиле, а не по православным канонам. (Видео молитвы )